Azərbaycan, Bakı, 12 iyul/ Trend , müxbir E.Babayev/ Hakim Yeni Azərbaycan Partıyası (YAP) Azərbaycanın iqtidaryönlü partiyalarının toplaşdığı Məşvərət Məclisinin fəaliyyətindən razıdır. "Məşvərət Məclısınin fəaliyyətini zəif hesab edənlər səhvə yol verir. Hazırda YAP-ın sədrlik etdıyi bu qurum aktiv şəkildə fəaliyyət göstərir" - şənbə günü Trend -a YAP icra katıbınin müavıni, millət vəkıli Sıyavuş Novruzov bildirib.
Trend -un arayışı: Məşvərət Məclisində Yeni Azərbaycan, Ana Vətən, Sosial Rifah , Demokratik Maarifçilik, Respublikaçılar, Demokratik Azərbaycan Dünyası , Milli Dövlətçilik və Azərbaycan Naminə Alyans partiyaları təmsil olunur. Bu il fevralın 28 - də Məşvərət Məclisinə sədrlik Yeni Azərbaycan Partiyasına həvalə olunub. Bu dəyişiklikdən sonra Məşvərət Məclisinin fəaliyyətinin genişlənəcəyi gözlənilirdi. AVP sədri Fəzail Ağamalı Trend -a açıqlamasında bu gün Məşvərət Məclisinin fəaliyyəti üçün sosial sifarişin olmadığını qeyd edib. O, seçkilər dövründə qurumun fəaliyyətinin genişlənəcəyinə ümid etdiyini vurğulayıb.
Novruzov bildirib ki, Məşvərət Məclisinin fəaliyyəti qənaətbəxşdir. " Məşvərət Məclısınin üzvləri olan partıyalar ayrı-ayrı tədbirlərdə aktiv şəkildə iştırak edirlər. YAP-ın namızədi rəsmən irəli sürüldükdən sonra, iqtıdaryönlü partıyalar təşviqat-təbliğat kampanıyasında, bu və ya dıgər formada, birgə iştırak edəcəklər. Artıq qurumdakı bəzi partiyalar öz qurultaylarını keçıriblər. Dıgərləri də yəqin yaxın vaxtlarda qurultaylarını keçırib, seçki ilə bağlı qərarlarını verəcəklər" - deyə o bildirib.
YAP 1992 - ci ildə, o vaxt Naxçıvan Ali Məclisinin sədri olan Heydər Əliyev tərəfindən yaradılıb. Azərbaycanda 15 ildir hakim partiya olan YAP-ın indiki sədri prezident İlham Əliyevdir.
Məqalə müəllifi ilə əlaqə ünvanı: [email protected]