Belarus-Azərbaycan münasibətlərində qapalı mövzu yoxdur. Bu barədə Belarus Prezidenti Aleksandr Lukaşenko bu gün Azərbaycanın Baş nazirinin birinci müavini Yaqub Eyyubov ilə görüşdə bildirib. BELTA müxbiri xəbər verir.
Prezident bildirib ki, Belarus və Azərbaycan xalqını qardaş münasibətləri bağlayır. "Azərbaycanlıların belaruslara, belarusların isə azərbaycanlılara qarşı iddiası yoxdur", - dövlət başçısı əlavə edib.
Lukaşenko qeyd edib ki, Belarus üçün Azərbaycan ilə əməkdaşlıq çox sərfəlidir, belə ki, iki ölkənin iqtisadiyyatı qarşılıqlı bir-birini tamamlayan və kəsişməyəndir. "Biz böyük məmnuniyyətlə özümüzün iqtisadi fəaliyyətimizi diversifikasiya etməyə və hazırda etdiyimiz kimi Azərbaycanla ayaqlaşmağa hazırıq", - o bildirib.
Bundan başqa, Belarus Prezidenti onu Azərbaycan Prezidenti ilə birlədirən sıx dost münasibətləri barədə qeyd edib. "Biz Heydər Əliyev ilə də dost olmuşuq. Bizim çox gözəl münasibətilərimiz var idi", - Belarus lideri deyib.
Aleksandr Lukaşenkonun sözlərinə görə, Belarus Azərbaycan rəhbərliyinin Belarus ilə əməkdaşlıqda maraqlı olduğunu görür. "Bilirəm ki, Azərbaycanın problemləri var, əsas problemi də bilirəm, lakin düşünürəm ki, hər şey həll edilə biləndir. Malik olduğunuz potensial sizə hər bir problemi həll etməyə imkan verir", - Belarusunövlət başçısı əminliyini ifadə edib.
Prezident qeyd edib ki, Belarus Azərbaycan ilə təkcə ölkənin böyük potensialı olduğuna görə eyil, eyni zamanda,Azərbaycan rəhbərliyinin bu cür əməkdaşlıqda maraqlı olduğunu gördüyü üçün əməkdaşlıq edir.
Lukaşenko bildirib ki, Azərbaycan Prezidentinin noyabrda Minskə səfəri ərəfəsində Yaqub Eyyubovun Belarusa səfəri çox mühümdir. "Azərbaycan üçün bacara biləcəyimiz hər şeyi edəcəyik. İstərdik ki, sizinlə inkişaf edən bir neçə layihə həyata keçirək", - Belarus Prezidenti deyib.
"Belarus Azərbaycan üçün çox vacib strateji tərəfdaşdır, belə ki, o, bütün dünyada nüfuza sahibdir. Kim nə deyirsə desin, biz bilirik ki, Belarus ilə dostluq etməli, yaxşı iqtisadi və siyasi əlaqələr qurmalıyıq. Bu çox vacibdir", - Eyyubov deyib.
Azərbaycanın Baş nazirinin birinci müavinin, həmçinin iki ölkə arasında mədəni, humanitar və sənaye sahələrində olduğu kimi, iqtisadi əməkdaşlığın dərinləşdirilməsinin, qarşılıqlı ticarət dövriyyəsinin artırılmasının vacibliyini də qeyd edib. "Biz Belarusa həmişə kömək etməyə hazırıq", - o deyib.
Bundan başqa, Yaqubov Belarusun kənd təsərrüfatı texnikasını yüksək qiymətləndirib. "Onun sayəsində biz də məhsuldarlığı artıra bilmişik", - o qeyd edib. Hazırda tərəflər Belarus kənd təsərrüfatı texnikasının üçüncü ölkəyə satışı məqsədi ilə birgə istehsal barədə müzakirələr aparırlar.
Azərbaycan 2008-ci ilin nəticələrinə əsasən, MDB ölkələri arasında Belarus ilə xarici mal dövriyyəsinin həcminə görə altıncı yerdədir.
2007-ci illə müqayisədə qarşılıqlı mal və xidmət dövriyyəsi 25,9 faiz artaraq 117,7 milyon dollar təşkil edib. Belarusdan Azərbaycana ixrac olunan mallar 22 faiz artıb (105,4 mln.dollar), Azərbaycan mallarının idxalı isə 90,9 faiz (6,2 mln.dollar) təşkil edib. Müsbət saldo 99,2 mln.dollar həcmində olub. 2008-ci ildə xidmət ixracı 180,9 faiz artım tempi ilə 4,4 mln.dollar, xidmət idxalı 1,6 mln.dollar (120,4 faiz), müsbət saldo isə 2,8 mln. dollar həcmində təşkil edib.
Ümumilikdə, son beş ildə iki ölkə arasında mal dövriyyəsi 10,7 dəfə artaraq 2008-ci ildə ilk dəfə 100 mln. dolları ötüb. Azərbaycana ixrac olunan Belarus məhsulları bu müddət ərzində 12 dəfə artıb.
2009-cu ilin yanvar-avqust ayları ərzində iki ölkə arasında mal dövriyyəsi 71,5 mln. dollar təşkil edib. Belarus ixracat malları 68,861 mln. dollar (91,4 faiz), idxal isə 2,6 mln.dollar (70,1 faiz) təşkil edib.
Belarus ilə Azərbaycanın mal dövriyyəsi idxal-ixrac əməliyyatları ilə məhdudlaşmır, həmçinin istehsal kooperasiyasını da əhatə edir. Azərbaycanda Belarus traktorları, yük avtomobilləri, optik avadanlıqları, avtokranları, liftləri, kənd təsərrüfatı texnikaları yığılır.
