Azərbaycan, Bakı, 27 oktyabr /Trend, müxbir M.Əliyev, A.Axundov/
Avropa İttifaqından təxminən 15-20 müşahidəçi qrup, o cümlədən Aİ-nin üzv ölkələri və strukturlarının nümayəndələri Azərbaycanda parlament seçkilərinin gedişini izləyəcək.
"Seçkilərin gedişini Avropa Parlamentinin yeddi üzvü, eləcə də Aİ-yə üzv ölkələrdən müşahidəçilər izləyəcəklər", - Kobia bildirib.
Azərbaycan Respublikası Milli Məclisinə seçkilər 2010-cu il noyabrın 7-nə təyin olunub. Bundan əvvəlki seçkilər 2005-ci ilin noyabrında keçirilib. Azərbaycanda ölkənin qanunverici orqanına seçkilər 125 seçki dairəsində majoritar sistemdə aparılır.
Hazırda seçkilər üzrə 581 beynəlxalq müşahidəçi qeydiyyata alınıb. Müşahidəçilərin ümumi sayı 20 mini keçir.
Aİ-nin Cənubi Qafqaz üzrə xüsusi nümayəndəsi Piter Semnebinin seçkilərin monitorinqində iştirakı gözlənilmir. "Lakin paytaxtda onun komandası çalışacaq", - Kobia bildirib.
Aİ-dən bəzi müşahidəçilər Azərbaycana seçkilər ərəfəsində gələcəklər, onların bir hissəsi isə artıq Bakıdadır.
"Seçkiqabağı dövrdə biz ilkin hesabat dərc edəcəyik", - Kobia deyib.
Parlament seçkilərində iştirak etmək üçün 692 namizəd qeydiyyatdan keçib.