Azərbaycan, Bakı, 11 oktyabr /Trend/
Azərbaycanın xarici işlər naziri Elmar Məmmədyarov BMT-nin Azərbaycandakı rezident əlaqələndiricisi Fikrət Akçuranı ölkəmizdə fəaliyyət müddətinin başa çatması ilə əlaqədar qəbul edib.
XİN-in mətbuat xidmətindən Trend-ə verilən məlumata görə, nazir Elmar Məmmədyarov Fikrət Akçuraya Azərbaycan və BMT arasında əməkdaşlığın genişləndirilməsinə verdiyi töhfəyə görə öz təşəkkürünü bildirib və onun ölkəmizdəki fəaliyyətini yüksək qiymətləndirib.
Öz növbəsində BMT-nin Azərbaycandakı rezident əlaqələndiricisi Fikrət Akçura Azərbaycanda fəaliyyətindən məmnun olduğunu qeyd edib və ölkəmizdə davamlı iqtisadi-sosial inkişafın təmin olunması istiqamətində görülən işləri yüksək qiymətləndirib.