Azərbaycan, Bakı, 6 noyabr /Trend/
Suriya hələ ki öz ərazisinə İsrailin hava hücumlarına cavab verməyib, lakin bu hüququ özündə saxlayıb. Trend-in İTAR-TASS-a istinadən verdiyi məlumata görə, bunu Suriyadakı hərbi-diplomatik mənbə bildirib.
Mənbə qeyd edib ki, İsrail təxribatlarını davam etdirsə, Suriya buna cavab verəcək.
Onun sözlərinə görə, oktyabrın 31-də İsrailin döyüş təyyarələri Aralıq dənizi üzərində Suriya ordusunun fəaliyyət zonası xaricində olan neytral hava məkanından Cəbla yaşayış məntəqəsinə hücum edib. Raketlərdən biri hədəfə dəyib, ikincisi isə yan keçib.