"Demokratik Azərbaycan blokunun gələcək fəaliyyəti Sədrlər Şurasının toplantısında müzakirə ediləcək". Bu barədə Trend ə adıçəkilən blokun təsisçilərindən olan Vətəndaş Həmrəyliyi Partiyasının (VHP) sədri Sabir Rüstəmxanlı bildirib.
S.Rüstəmxanlı qeyd edib ki, seçkiöncəsi blokun fəaliyyətini güclü qura bilməyiblər: "Blokun gələcək fəaliyyət istiqamətləri ilə bağlı müzakirələrə ehtiyac var. Ola da bilər ki, blok fəaliyyətini dondursun".
Qeyd edək ki, adıçəkilən blokda VHP-dən başqa üç partiya - Vahid Azərbaycan Milli Birlik Partiyası, Ədalət Partiyası və Azadlıq Partiyası təmsil olunur.