...

Azərbaycanın "Xəzər-Lənkəran" klubundan uzaqlaşdırılan futbolçu baş məşqçidən narazıdır

Cəmiyyət Materials 2 Fevral 2009 16:03

Trend-i buradan izləyin

Azərbaycan, Bakı, 02 fevral / Trend , müxbir R.Ergün/ Azərbaycanın "Xəzər-Lənkəran" futbol klubundan kənarlaşdırılan Alim Qurbanov baş məşqçi İqor Ponomaryovdan narazıdır.

"Xəzər-Lənkəran"ın heyətində Türkiyədə keçirilən təlim-məşq toplanışında iştirak etdim. Baş məşqçi Bakıya qayıdandan sonra məni komandadan uzaqlaşdırdı. Ponomaryov mənimlə bağlı qərarı gec verdiyi üçün ondan narazıyam", - bazar ertəsi Trend -a Qurbanov deyib.

"Xəzər-Lənkəran" klubunun  rəhbərliyi iki gün əvvəl Qurbanovla yanaşı, daha bir futbolçunu - Füzuli Məmmədovu da komandadan uzaqlaşdırıb.

Qurbanov bildirib ki, baş məşqçidən fərqli olaraq, klub rəhbərliyindən razı qalıb.

"Xəzər-Lənkəran" klubunun rəhbərliyi ilə heç bir problemim yoxdur", - deyə futbolçu əlavə edib.

Qurbanov bir neçə klubdan təklif aldığını bildirsə də, həmin komandaların adlarını açıqlamayıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti