Azərbaycan, Bakı, 29 iyul /Trend, müxbir T.Hacıyev/
Rumıniya Azərbaycanla mədəni əlaqələrinin möhkəmlənməsində, birgə tədbirlərin keçirilməsində maraqlıdır. Trend-in məlumatına görə, bu barədə Bakıda səfərdə olan Rumıniyanın mədəniyyət və milli irs naziri Hunor Kelemen jurnalistlərə deyib.
Kelemen cümə günü Fəxri Xiyabanda ümumilli lider Heydər Əliyevin və akademik Zərifə Əliyevanın məzarlarını, Şəhidlər Xiyabanını ziyarət edib.
Kelemen səfər çərçivəsində mədəni əlaqələrlə bağlı bir sıra mühüm razılaşmalar əldə olunacağını, sazişlər imzalanacağını deyib.
Nazirin səfər çərçivəsində İncəsənət Muzeyinə baxış keçirməsi, İçərişəhər Dövlət Qoruğu ilə tanış olması, Qəbələ Beynəlxalq Musiqi Festivalında qonaq qismində iştirakı nəzərdə tutulur.