Bakı. Trend:
İsrail vətəndaşı Qal Qlikman Parisdə olarkən qarşısına çıxan Azərbaycan bayrağına biganə qala bilməyib.
Trend-in məlumatına görə, Q.Qlikman qarşılaşdığı mənzərəni dərhal fotoaparatının yaddaşına köçürüb.
Onun belə həssas davranışı heç şübhəsiz ki, valideynlərinin əslən Bakıdan olması ilə bağlıdır. Belə ki, Q.Qlikmanın atası Mark Qlikman və anası Lina Qlikman 1992-ci ilə qədər Bakıda yaşayıb, sonra İsrailə köçüblər. L.Qlikman İçərişəhərdə anadan olub, boya-başa çatıb.
Qal özü isə İsraildə anadan olsa da, hər zaman Azərbaycana böyük sevgi bəsləyir.
