Mədəniyyət və turizm idarələrində struktur dəyişikliyi aparılacaq. Bu barədə məlumatı Gəncədə səfərdə olan mədəniyyət və turizm naziri Əbülfəz Qarayev bildirib. Onun sözlərinə görə, turizm sahəsinin mədəniyyət nazirliyinə verilməsi bu zərurəti yaradıb. Nazir bildirib ki, yerli idarələrdə turizm sahəsi üzrə yeni şöbə yaradılacaq. Bu işlərin görülməsi üçün vəsaitin olması lazımdır, - deyən Əbülfəz Qarayev gələn ilin büdcəsində bu işlərin görülməsi üçün vəsait ayrılacağını söylədi.