...

Tite Braziliya millisinin baş məşqçisi vəzifəsindən istefa verib

İdman Materials 10 Dekabr 2022 00:07 (UTC +04:00)
Tite Braziliya millisinin baş məşqçisi vəzifəsindən istefa verib

Bakı. Trend:

Tite 2022-ci ildə Qətərdə keçirilən dünya çempionatının 1/4 finalında məğlub olan Braziliya milli futbol komandasının baş məşqçisi vəzifəsindən istefa verdiyini açıqlayıb.

Trend xəbər verir ki, Titenin sözlərini "ESPN" telekanalı yayıb.

"Acı məğlubiyyət, amma özümlə barışıram. Dövrün sonu", - deyə Tite bildirib.

Xatırladaq ki, bu gün Qətərdə keçirilən futbol üzrə Dünya Çempionatının 1/4 final mərhələsinin ilk oyunu keçirilib.

Braziliya və Xorvatiya millilərinin qarşılaşdığı oyunun əsas vaxtı 0:0 hesablı heç-heçə ilə bitib. Oyunda oynanılan əlavə vaxt komanadaların hər biri 1 qol vurub - 1:1.

Penalti seriyasında isə xorvatlar daha dəqiq olublar və yarımfinala vəsiqə qazanıblar.

Məqalədə:
Xəbər lenti

Xəbər lenti