Bakı. Trend:
Daxili İşlər Nazirliyi “Formula-1 Qatar Airways Azərbaycan Qran Prisi 2024” yarışları zamanı azarkeş zonasına gətirilməsi qadağan olunan əşyaların siyahısını açıqlayıb.
Nazirlikdən Trend-ə verilən məlumata görə, yarışların keçirildiyi məkana, ictimai asayişə potensial zərər və zədə gətirə biləcək əşyaların yarışlar zamanı azarkeş zonasına gətirilməsi qadağandır.
Həmçinin
- Heyvanlar (fiziki məhdudiyyətli insanlara yardım göstərən xidməti
heyvanlar istisna olmaqla)
- Spirtli içkilər, su qabları və hər növ içki qablaşdırmaları (uşaq
üçün olan istisna olmaqla)
- Qidalar və içkilər (uşaq üçün olan istisna olmaqla)
- Odlu silah, soyuq silah və digər qeyri-döyüş silah oxşarları,
fişənglər, alovlandırıcılar
- Lazer işıqları, rolik, skeytbord, seqvey, velosiped, skuter
- Oturacağın altına yerləşməyən iri əşyalar, oturacaqlar və
əyləşmək üçün digər ləvazimatlar (fiziki məhdudiyyətlilər istisna
olmaqla)
- Dronlar və digər uçan cihazlar,
- Megafon və buna oxşar cihazlar daxil olmaqla səs gücləndiriciləri
və musiqi alətləri
- Soyuducu qutular, pikinik üçün səbətlər
- Provokativ rəmzlər və şəkillər, dini, siyasi ifadələr və şüarlar,
təhqiredici banerlər və əşyalar
- İri əşyalar və bel çantaları,
- Tutacağı 1 metrdən uzun olan bayraqlar və çətirlər
- Peşəkar video çəkən cihazlar və obyektivi 30 sm-dən uzun olan
fotokameralar yarışlar zamanı azarkeş zonasına gətirilməsi qadağan
olunan əşyalar siyahısına daxildir.
