...

Bibiheybətdə yenidən təmir olunan küçələrdə dezinfeksiya işləri aparılır (FOTO)

İqtisadiyyat Materials 27 Mart 2020 16:22
Bibiheybətdə yenidən təmir olunan küçələrdə dezinfeksiya işləri aparılır (FOTO)

Trend-i buradan izləyin

Bakı. Trend:

Azərbaycan Respublikasında koronavirus infeksiyasının (COVİD-19) yayılmasının qarşısının alınması ilə bağlı Nazirlər Kabineti yanında Operativ Qərargahın tələb və tövsiyələrinə uyğun olaraq Bibiheybət qəsəbəsində ümumilikdə 1843 nəfər sakinin yaşadığı, 50 000 kv.m. sahəni əhatə edən ərazidə yerləşən yenidən təmir və rekonstruksiya olunan küçə və dalanlarda, yaşayış evlərinin ətrafında Səbail Rayon İcra Hakimiyyətinin təşkilatçılığı ilə dezinfeksiya işləri həyata keçirilir.

Trend-in məlumatına görə, işlərin ardıcıl və normal təşkili məqsədilə bu istiqamətdə çalışan briqadalar zəruri avadanlıq və preparatlarla təchiz olunmuşlar. Rayon ərazisində ümumi sanitar-gigiyenik vəziyyət nəzarətdə saxlanılır.

Eyni zamanda, xəstəliyə yoluxma hallarına yol verilməməsi və infeksiyanın yarada biləcəyi təhlükənin qarşısının alınması məqsədilə vətəndaşlarımızdan özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq, insanların sıx toplaşdığı yerlərə getməmək və xüsusi karantin rejiminə əməl etmək tələb olunur.

Məqalədə:
Xəbər lenti

Xəbər lenti