Azərbaycan, Bakı, 01 fevral / Trend , müxbir İ.Xəlilova / 2007-ci ildə mənfəətlə işləyən bankların sayı ötən ilin 30 bankından 40-a artıb,- Azərbaycanın Milli Bankından deyiblər.
Bank sisteminin ümumi mənfəəti 2007-ci il yanvarın 1-nə nisbətən 2,1 dəfə artaraq, 132,77 mln. manat təşkil edib. Bu göstərici 2007-ci il dekabrın 1-nə nisbətən 13,8 faiz enib.
Zərərlə işləyən bankların sayı, 2006-cı ilin yekununa əsasən, 13-dən 2007-ci ildə beşə enib. Onların zərəri 3,65 mln. manat təşkil edir, bu da 2006-cı ilə nisbətən 3,6 dəfə azdır.
Bank fəaliyyətlərinin maliyyə yekunu (vergi ödəməsindən sonra) mln. manatla:
Dövr | Mənfəətlə işləyənbankların sayı | Bank sisteminin ümumi gəliri (mənfəətli banklar üzrə) | Zərərlə işləyən bankların sayı | Bank sisteminin ümumi zərəri (zərərlə işləyən banklar üzrə) | Bankların əldə etdiyi ümumi gəlir (+) və zərər (-) |
01-01-2004 | 33 | 20,53 | 11 | 1,93 | 18,6 |
01-01-2005 | 28 | 38,91 | 14 | 7,87 | 31,03 |
01-01-2006 | 36 | 45,01 | 6 | 2,35 | 42,66 |
01-01-2007 | 30 | 62,08 | 13 | 13,0 | 49,08 |
01-01-2008 | 40 | 132,77 | 5 | 3,65 | 129,12 |