Azərbaycan, Bakı, 24 aprel / " , müxbir U.İsmayılova/ Yay aylarında Bakıda daşınmaz əmlak qiymətlərinin beş faiz aşağı düşəcəyi gözlənilir. Bu barədə cümə axşamı "Caspian Property Services" qiymətləndirmə şirkətinin nümayəndəsi Elnur Azadov bildirib.
"Qiymət azalması təkcə mövsüm göstəriciləri ilə deyil, həmçinin ölkənin daşınmaz əmlak bazarındakı uzun müddətli durğunluqla əlaqədar olacaq", - deyə Azadov bildirib.
Ötən ilin avqustunda Bakının mərkəzi küçələrinin birində 25 nəfər insanın ölümü ilə nəticələnən tikilməkdə olan 16 mərtəbəli bina uçmuşdu. Bu hadisədən sonra ekspertlərin rəyinə görə, ölkənin daşınmaz əmlak bazarında fəallıq 34 faiz azalıb.
Azadovun sözlərinə görə, əgər əvvəllər yayda fəallıq istirahət mövsümü ilə əlaqədar azalırdısa, bu il qiymət azalması bazarın qeyri-gəlirlilik səbəbindən baş verəcək.
Azadovun sözlərinə görə, hazırda şəhərin I zonasının ilkin bazarında qiymətlər bir kvadrat metrə görə 1,5 min manat ilə-2,5 min manat, II zonada 1,2 min-2 min manat, III zonada 700 manat ilə-1,1 min manat, IV zonada isə 450 manat ilə-700 manat aralığında dəyişir.
Müəlliflə əlaqə saxlamaq üçün elektron ünvan : capital