Azərbaycan, Bakı, 16 sentyabr/ Trend , müxbir İ.Xəlilova/ Çərşənbə axşamı Bakıda Azərbaycanın İxrac və İnvestisiyaların Təşviqi Fondu (AZPROMO) və UK Middle East Association (MEA) arasında əməkdaşlıq haqqında protokol imzalanıb. Sənədi AZPROMO Müşahidə Şurasının sədri, iqtisadi inkişaf naziri Heydər Babayev və MEA - nın Baş direktoru Maykl Tomas imzalayıb.
Tomas protokolun imzalanmasının şirkətlərin qarşılıqlı əlaqələrinin möhkəmləndirmələrinə imkan yaradacağını bildirib və Azərbaycan şirkətlərini MEA-nın üzvü olmağa çağırıb.
"Biz biznes-görüşlər təşkil edə, əlaqələrin qurulması üçün ticarət şirkətlərini dəvət edə bilərik", - Britaniya Assosiasiyasının rəhbəri bildirib.
Bu gün ticarət əməliyyatlarının 70 faizi MEA - nın üzvləri olan şirkətlər tərəfindən həyata keçirilir. Hazırda Assosiasiyada Şimali Afrka, İran, Fars körfəzi ölkələri təmsil olunur, Rusiya, Xəzəryanı ölkələrdən yeni şirkətləri cəlb etmək planlaşdırılır.
Azərbaycanın iqtisadi inkişaf naziri qonaqları ölkədəki iqtisadi islahatlar, sərmayə vəziyyəti ilə tanış edib. O hesab edir ki, iki ölkənin biznes - nümayəndələrinin görüşlərinin yekunları üzrə Azərbaycana Britaniya sərmayələrinin axacağını gözləmək olar. MEA Azərbaycanda tərəfdaş qismində AZPROMO - nu seçib. Belə ki, bu Fondda qeyri-neft sektorunda daha fəal işləyən şirkətlər təmsil olunub.
"Bu, Azərbaycanın və Britaniyanın biznes-birlikləri arasında körpünün qurulması məqsədilə keçirilən birinci görüşdür", - Azərbaycan Beynəlxalq Bankı İdarə Heyətinin sədri Cahangir Hacıyev bildirib.
Lord Devid Artur Houelin başçılıq etdiyi yüksək vəzifəli ingilis iş adamlarından ibarət nümayəndə heyətinin səfəri çərçivəsində biznes-forum keçiriləcək. Biznes - forumun məqsədi azərbaycanlı istehsalçıların, o cümlədən tikinti, təhsil və konsaltinq sahələrində xidmətlər göstərən şirkətlərin Avropa bazarlarına çıxışını təmin etməkdir. AZPROMO -nun forumunun gedişində Dəyirmi masalar təşkil ediləcək. Lord Koval Pilverd balanslaşdırılmış iqtisadiyyatın yaradılmasına zərurətin olduğunu qeyd edərək, Azərbaycanda biznesin aparılması üçün şəraitin çox cəlbedici olduğunu bildirsə də, vurğulayıb ki, bunun üçün enerji tranzitindən bərpa olunan elektrik enerjisi mənbələrinin inkişafına keçidi həyata keçirmək lazımdır.
Səfər sentyabrın 19 - dək davam edəcək. Britaniya nümayəndə heyətinin tərkibinə Standard Chartered Bank, Shell, London Business School, Cambridge Regional College şirkətlərinin nümayəndələri və b. daxildir.
Sentyabrın 16 -na olan cari mübadilə məzənnəsi -- 0,8139 AZN/USD.
Müəlliflə əlaqə saxlamaq üçün elektron ünvan: [email protected]