Azərbaycan, Bakı, 18 dekabr/ TrendCap müxbir N.İsmayılova/ Azərbaycan hökuməti və Dünya Bankı arasında Azərbaycanda üçüncü avtomagistral yolun çəkilməsi layihəsi üzrə kredit sazişi imzalanıb. Layihənin ümumi dəyəri 505,2 mln. dollardır, - DB - nin Bakı nümayəndəliyindən cümə axşamı bildiriblər.
DB-nin Direktorlar Şurası 2008-ci il aprelin 29-da layihənin realizəsinə 300 mln. dollar ayrılmasını təqdir edir. Kredit ehtiyatları Beynəlxalq Yenidənqurma və İnkişaf Bankının xətti ilə, 4 il güzəştli dövr olmaqla, 17 il müddətinə və illik libor+0,05 faiz dərəcə ilə ayrılacaq.
Nümayəndəlikdən bildiriblər ki, Azərbaycan hökumətindən zəmanət sazişini maliyyə naziri Samir Şərifov, layihə sazişini Ziya Məmmədov, bankdan - DB-nin Bakı ofisinin rəhbəri Qreqroi Çeceyçak imzalayıblar.
Layihənin əsas məqsədi yol-nəqliyyat layihələrinin dəyərinin azaldılması və mövcud Şərq - Qərb və Şimal - Cənub dəhlizlərinin seçilmiş sahələrinin müasirləşdirilməsi və bərpası yolu ilə çıxışın, tranzitin və yol təhlükəsizliyinin artırılmasından ibarətdir.
Birinci komponentə Ələt - Masallı üçüncü magistral yolunun müasirləşdirilməsi, Kürdəmir-Ucar bölməsinin, mövcud Bakı - Gürcüstan sərhədi magistral yolunun yenidən qurulması, mövcud Bakı - Şamaxı magistral yolunun bərpası, Tağıyev - Sahil qəsəbələri (Bakını dolanmaqla) avtomagistralının yenidən qurulması və bəzi bitişik yolların bərpası daxildir.
İkinci komponent layihənin realizəsində nəqliyyat nazirliyini dəstəkləmək üçün texniki yardım, treninqlər, avadanlıqla təminatı nəzərdə tutur.
Bu yol layihəsi çərçivəsində, Beynəlxalq Yenidənqurma və İnkişaf Bankı şərtləri ilə, 4 il güzəştli dövr olmaqla, 20 il müddətinə və illik libor+0,5 faiz dərəcə ilə ayrılan DB-nin birinci krediti 200 mln. dollar ölçüsündə olub. Azərbaycan hökuməti birinci fazaya 65 mln. dollar ayırıb.
Bütün layihənin dəyəri müvafiq olaraq 770 mln. dollar qiymətləndirilir. Bu vəsaitlər hesabına Ələt-Masallı avtomagistralının genişləndirilməsi və marşrutunun dəyişdirilməsi nəzərdə tutulur. Bunun nəticəsində onun uzunluğu 230 km - dən 200 km -dək azalacaq. Bundan əlavə, Bakını respublikanın qərb rayonları ilə birləşdirən Bakı -Şamaxı - Muğan yolunun təmiri, Sahildən Tağıyev qəsəbəsinədək dairəvi yolun tikintisi nəzərdə tutulur.
Müəlliflə əlaqə saxlamaq üçün elektron ünvan: cap