Azərbaycan, Bakı, 20 dekabr/ Trend , müxbir N.İsmayılova/ AYİB, BMK və Hollandiyanın FMO Maliyyə Korporasiyası regionda baş verən hadisələrin ona təsirindən və iqtisadiyyatın enməsinin nəticələrindən sonra, bankın kapitallaşmasını gücləndirmək məqsədilə, Gürcüstanın ikinci iri bankı olanTBC Bank-ın səhmdarları sırasına daxil olmaq layihəsini nəzərdən keçirirlər. Bu barədə Avropa Yenidənqurma və İnkişf Bankının (AYİB) məlumatında bildirilir.
AYİB -in layihədə payı 17 faiz olacaq. Layihənin ümumi dəyəri 27 mln dollardır.
Məlumatda bildirilir ki, yenidənqurma prosesi, əsasən, TBC Bank-ın yeni biznes-planının yaradılması, risk menecmentinin yenidən yoxlanılması, borclara münasibətdə depozitlərin səviyyəsinin artırılmasına yönəldiləcək.
AYİB -in rəyinə görə, uğurlu yenidənqurma bazara səmərə verəcək, kommersiya kreditorları Gürcüstanın iri banklarına borc verməyi davam etdirə biləcəklər. Sövdələşmə TBC Bank-a tədricən normal kredit əməliyyatlarını həyata keçirməyək və krediti ödəyə bilənlərə və müəssisələrə maliyyə vermək imkanı yaradacaq.
İşgüzar fəallığın çoxalması depozitlərin səviyyəsinin artmasına müsbət təsir göstərəcək və TBC Bank-a, xarici borclanmadan daha çox, depozitin genişləndirməsinə bel bağlamaqda kömək edəcək.
TBC Bank Gürcüstanın ikinci iri bankıdır. Sentyabrın sonuna onun aktivləri 1,39 mlrd. dollar, kapitalı 222 mln dollar, xalis mənfəəti 2.2 mln dollar təşkil edib.
Məqalə müəllifi ilə əlaqə ünvanı - capital