Azərbaycan, Bakı, 15 yanvar/ Trend , müxbir Ü.İsmayılova/ Dekabrda təkrar bazarda qiymətlər noyabra nisbətən 7 faiz azalıb. Qiymətlərin azalması maliyyə böhranının təsirindəndir. Sentyabrdan başlayaraq ,Bakının avtomobil bazarında maşınlar ucuzlaşmağa başlayıb, - "Əmlak Bazarı İştirakçıları" İctimai Birliyindən cümə axşamı bildiriblər.
"Dekabrda Bakının ilkin avtomobil bazarında qiymətlər 10 faiz azalıb", - təşkilatdan qeyd ediblər.
Dekabr ərzində paytaxtın ilkin avtomobil bazarına 6,6 mindən çox avtomobil təklif edilib. Onların yalnız 39 faizi dekabrda bazara daxil olub. Qalan nəqliyyat vasitələri ötən aylardan bazarda qalıb.
Noyabrda Bakının təkrar avtomobil bazarında qiymətlər 3,8 faiz, ilkin bazarda 10 faiz azalıb. Paytaxtın avtomobil bazarına 6,5 min avtomobil təklif ediib. Onların yalnız 41 faizi noyabrda bazara çıxarılıb, qalan 59 faizi ötən aylardan qalıb.
Müəlliflə əlaqə saxlamaq üçün elektron ünvan: [email protected]
