Azərbaycan, Bakı, 10 may / Trend , müxbir N.İsmayılova /
2010-cu ildən Azərbaycanda əlavə dəyər vergisi (ƏDV) üzrə vergi faizlərinin dəyişdirilməsi "tamamilə heç nə vermir", lakin Vergi Məcəlləsinə düzəlişlər çərçivəsində mənfəət vergisinin faiz dərəcələrinin azaldılması üzrə təkliflər var. Bu barədə bazar günü maliyyə naziri Samir Şərifov bildirib.
Vergilər Nazirliyi mənfəət vergisinin 2 faiz azaldılaraq 20 faizə, ƏDV-nın isə 1 faiz azaldılaraq 17 faizə çatdırılmasını təklif edir. Maliyyə Nazirliyi öz növbəsində birbaşa vergilər üzrə dərəcələrin azaldılması mövqeyindən çıxış edib. Yəni mənfəət vergisi ilə yanaşı, hazırda 35 faiz təşkil edən gəlir vergisinin də maksimal dərəcəsinin 20 faizədək azaldılmasını təklif edib.
Vergi qanunvericiliyinə düzəlişlər layihəsi artıq Prezident Administrasiyasına təqdim olunub və yekun layihə Parlamentə göndərildikdən sonra məlum olacaq.
Öz təkliflərini hesablamalarla əsaslandıran Maliyyə Nazirliyi hesab edir ki, ƏDV dərəcəsinin 1 faiz azaldılmasından dövlət büdcəsi 140 mln. manat itirir, eyni zamanda gəlir vergisi dərəcələrinin hətta 15 faiz azaldılmasından itki cəmi 50 mln. manat təşkil edəcək. ƏDM üzrə dərəcələrin azaldılmasından büdcə itirəcək, çünki bu vergi üzrə vergiqoyma bazası daha genişdir, nəinki maksimum faizini əsasən xarici şirkətlərin ödədiyi gəlir vergisi.
Vergi Məcəlləsinin yeni redaktədə tətbiqi 2010-cu ildə ehtimal olunur. İlk dəfə olaraq bu il vergi qanunvericiliyinə düzəlişlər birinci yarımilliyə olan dövlət büdcəsindən ayrı qəbul olunacaq. Bu nəzərdənkeçirmə prosesini və büdcə proqnozlarının təsdiqini yüngülləşdirəcək, vergiödəyicilərinə vergi qanunvericiliyinə dəyişikliklər ilə qabaqcadan tanış olmalarına imkan yaradacaq.
Azərbaycanda vergi dərəcələri üzrə son dəyişikliklər 2006-cı ildə edilib və faizlər mənfəət vergisi üzrə 24 faizdən 22 faizədək azaldılıb. 2008-ci ildən gəlirləri 2 min manatadək (əvvəllər 600 manat)olan fiziki şəxslərdən 14 faiz dərəcəsi üzrə gəlir vergisi, 280 manat + 2000 manatdan artıq olanlardan isə 35 faiz dərəcəsi üzrə vergi alınır.
Bununla yanaşı, 14 faiz dərəcəsi üzrə vergi alınan illik gəlir plankası 24 min manat təşkil edir. 35 faiz olanlar isə 3360 manat + 24 000 manat təşkil edir.
Büdcə gəlirləri 12,177 mlrd. manat (o cümlədən mərkəzləşdirilmiş gəlirlər 11,698, yerli gəlirlər 0,479 manat) və ya ÜDM-in 27,9 faizi, xərclər 12,355 mlrd. manat (mərkəzləşdirilmiş xərclər 11,095 mlrd. manat, yerli xərclər 1,259 mlrd. manat) və ya ÜDM-in 28,3 faizi səviyyəsində təsdiq edilib.
Vergilər Nazirliyi dövlət büdcəsi daxilolmalarının 5,75 mlrd. manatını (2008-ci il ilə müqayisədə 6,9 faiz artımla) təmin etməlidir. Neft sektorundan vergi daxilolmaları 2,68 mlrd. manat (2008-ci illə müqayisədə 7,6 faiz az), qeyri-neft sektorundan 3,07 mlrd. manat (23,8 faiz artımla) planlaşdırılıb.
Mayın 10-na olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvan: [email protected]