Azərbaycan, Bakı, 13 may / Trend , müxbir İ.Xəlilova /
Azərbaycan hökuməti 2010-cu ildən 22 500 manatdan az dövriyyə ilə sahibkarlara aid edilən sadələşdirilmiş vergiqoyma sisteminə dəyişikliklərin edilməsini təklif edir.
"Vergi Məcəlləsinə düzəlişlərdə sadələşdrilmiş vergi alınan dövriyyə həcminin əhatə dövrünün bir ilədək genişləndirilməsi ilə, 150 min manatadək artırılması təklif olunur", - deyə çərşənbə günü hökumətdən bildiriblər.
Bu düzəlişlər qəbul olunacağı təqdirdə sadələşdirilmiş sistem üzrə ödəyicilərə illik dövriyyəsi 150 min manat olan şəxslər aid ediləcək. [Məcəlləyə düzəlişlər layihəsi Prezident Administrasiyasında razılaşdırılma prosesindədir]
Vergi qanunvericiliyinə əsasən, əlavə dəyər vergisi məqsədləri üçün qeydiyyata alınmayan hüquqi şəxslər və hüquqi şəxs təşkil olunmadan sahibkarlıq fəaliyyəti həyata keçirən və ötən rüb ərzində vergitutma əməliyyatları həcmi 22 500 manatdan çox olan fiziki şəxslər sadələşdirilmiş vergi ödəyiciləri ola bilərlər.
Sadələşdirilmiş vergitutma sisteminə əsasən, uç ay ərzində dövriyyə plankanı ötdüyü təqdirdə vergi ödəyicisi ƏDV qeydiyyatına dura bilər.
Hüquqi şəxslər - sadələşdirilmiş vergi ödəyiciləri ƏDV, mənfəət vergisi, əmlak vergisi, hüquqi şəxs yaratmadan sahibkarlıq fəaliyyəti göstərən fiziki şəxslərin gəlir vergisi və ƏDV-dən azad ediliblər.
Məqalə müəllifi ilə əlaqə ünvanı - [email protected]
