Azərbaycan, Bakı, 31 oktyabr /Trend Caoital, müxbir Ü.İsmayılova/
Azərbaycandan idxal edilən çay şübhəli mallar siyahısına aid edilmir, Gürcüstanın Çay İstehsalçıları Assosiasiyasının sədri Tenqiz Svanidze Tbilisidən telefonla Trend -a deyib.
Bu həftə bir sıra KİV ölkənin bu bazarına idxal edilən (xüsusilə də Azərbaycandan) keyfiyyətsiz çaylar haqqında məlumat yayıb.
"Gürcüstana həqiqətən də keyfiyyətsiz çaylar gətirilir. Lakin bunu bütün ixracatçı ölkələrə yox, bəzi ixracatçı ölkələrə aiddir. Bu o demək deyil ki, Azərbaycandan idxal edilən Azersun şirkətinin istehsalı olan çay keyfiyyətsizdir", - Svanidze şənbə günü deyib.
1991-ci idə Azərbaycanda yaradılan Azərsun Holding ərzaq mallarının istehsalı, ticarəti və kənd təsərrüfatı sahəsində Azərbaycanda liderlik edən şirkətlərdəndir. Azərsun, xüsusilə Azərbaycanın daxili bazarlarında Azərçay, Maryam, Final, Pasha, Pürrəngi çay markalarını satışını həyata keçirir və həmçinin başqa ölkələrə ixrac edir.
1996-cı ildən Sun-Tea Azerbaijan ASC-nin istehsalı olan Məryəm çay Hindistan və Seylonun çay plantasiyalarından yığılan yüksək keyfiyyətli çayların qarışığıdır.
Pasha çay ilk dəfə 2000-ci ildə bazarda təqdim edilib. Pasha çayı III Ümumdünya çay və kofe festivalında qızıl medala və "Yüksək keyfiyyətli orta ölçülü qara çay" nominasiyalı diplomla təltif edilib. 2007-ci ildə Rusiyada aparılan Ümudünya çay və kofe festivalında Paşha çayı Qran pri və "Yüksək keyfiyyətli orta ölçülü qara çay" nominasiyalı diplomla təltif edilib.
Məqalə müəllifi ilə əlaqə ünvanı: [email protected]
