Azərbaycan, Bakı, 6 aprel /Trend, müxbir Ü.İsmayılova/
Aprel ayında Azərbaycanda bələdiyyə torpaqlarının satışı üzrə 185 hərrac və müsabiqə keçiriləcək. Bu barədə Dövlət Torpaq və Xəritəçəkmə Komitəsindən çərşənbə axşamı bildiriblər.
Hərracların ümumi sayından 154-ü Bakının Abşeron yarımadasında, Şirvanda 165, Salyan rayonunda 7, Ağcabədidə 5, Daşkəsəndə 4, Ağdam və Yevlaxda 3, Siyəzəndə 2, Sumqayıt şəhərində, Gədəbəydə, İmişli rayonunda, Xaçmazda, Goranboyda və Sabirabadda 1 hərrac keçiriləcək.
2009-cu ildə Azərbaycanda ümumilikdə bələdiyyə torpaqlarının satışı üzrə 685 müsabiqə və hərrac keçirilib. İlk iki hərrac mart ayında Abşeron rayonunda keçirilib. Apreldə 4, mayda 8, iyunda 40, iyulda 13, avqustda 23, sentyabrda 92, oktyabrda 204, noyabrda 209 dekabrda isə 90 hərrac keçirilib.
2010-cu ildə artıq 150 hərrac keçirilib, bunlardan 50-si yanvarda, 65-i fevralda və 35-i isə martda baş tutub.
Azərbaycan Prezidentinin 10 dekabr 2008-ci il tarixli fərmanına əsasən, yerli özününidarəetmə orqanlarının torpaqları yalnız hərrac vasitəsilə satılır. Onların verilməsi üzrə səlahiyyət Dövlət Torpaq və Xəritəçəkmə Komitəsinə həvalə edilib. Əvvəllər bu səlahiyyətə bələdiyyələr sahib idilər.
Şəhadətnaməyə görə, mülki və torpaq qanunvericiliyinə əsasən hərracda qalib gələn hüquqi və ya fiziki şəxslərin bələdiyyə torpaqları barədə müqaviləsi 20 gündən gec olmayaraq Dövlət Komitəsinin yerli strukturları ilə bağlanılır.
