...

Azərbaycan banklarının depozit bazası oktyabrda 3 faizdən çox artıb

Biznes və iqtisadiyyat xəbərləri Materials 4 Dekabr 2010 16:12 (UTC +04:00)

Аzərbaycan, Bakı, 4 dekabr /Trend, müxbir N.İsmayılova/

Oktyabr ayında Azərbaycan banklarının depozit bazası 3,4 faiz, 2009-cu ilin oktyabrı ilə müqayisədə isə 14,2 faiz artıb. Bu barədə Azərbaycan Mərkəzi Bankının (AMB) məlumatında deyilir.

AMB-nin məlumatına görə, noyabrın 1-nə bank depozitlərinin, hüquqi və fiziki şəxslərin əmanətlərinin ümumi həcmi oktyabrın 1-nə olan 4715,2 milyon manta nisbətdə 4874,4 milyon manat təşkil edib. 2009-cu il oktyabrın əvvəlində isə bu göstərici 4261,5 milyon manat olub. Ümumi həcmin 2229,8 milyon manatı manat vəsaitinin payına, 2644,8 milyon manatı isə valyutanın payına düşüb.

Oktyabr ayı ərzində fiziki şəxslərin əmanətləri 3,2 faiz, hüquqi şəxslərin depozitlərinin həcmi isə 3,7 faiz artıb. 2009-cu ilin oktyabrı ilə müqayisədə fərdi müştərilərin depozitləri 35,8 faiz, korporativ müştərilərin depozitləri isə 7 faiz artıb.

Hesabat dövrü ərzində fiziki şəxslərin ölkənin banklarındakı əmanətlərinin həcmi 2887,5 milyon manat təşkil edib. Bu göstərici oktyabrın əvvəlinə 2798,3 milyon manat, 2009-cu il noyabrın 1-nə isə 2125,6 milyon manat olub. Hüquqi şəxslərin depozitlərinin həcmi 1986,9 milyon manat təşkil edib. Bu göstərici müvafiq olaraq 1916,8 milyon manat, 2009-cu il oktyabrın 1-nə isə 2135,9 milyon manat təşkil edib.

Dekabrın 4-nə olan rəsmi məzənnə 0,7998 AZN/USD təşkil edir.

Xəbər lenti

Xəbər lenti