Azərbaycan, Bakı, 3 may /Trend, müxbir N.ismayılova/
Aprelin 1-də Azərbaycan iqtisadiyyatının kreditləşməsi üzrə orta dərəcə milli valyuta ilə 16,41 faiz təşkil edib. Bu göstərici martın 1-də 16,43 faiz, 2010-cu il aprelin 1-də isə 13,99 faiz təşkil edib. Trend-in məlumatına görə, bu barədə Azərbaycan Mərkəzi Bankının (AMB) məlumatında deyilir.
Sərbəst dönərli valyutada (SDV) bank kreditləri üzrə orta dərəcə müvafiq olaraq 16,89 faiz və 15,4 faizə nsbətdə 16,37 faiz təşkil edib.
Aprelin əvvəlində hüquqi şəxslərin bank kreditləşməsi üzrə orta dərəcə milli valyuta ilə 14,4 faiz təşkil edib. Martın 1-də bu göstərici 14,46 faiz, 2010-cu il aprelin 1-də isə 11,60 faiz təşkil edib. SDV-də korporativ müştərilərin bank kreditləşməsi üzrə orta dərəcə 13,29 faiz olub. Martın 1-də bu göstərici 13,71 faiz, 2010-cu il aprelin 1-də isə 12,55 faiz təşkil edib.
Hesabat dövrü ərzində fiziki şəxslərin bank kreditləşməsi üzrə orta dərəcə milli valyuta ilə 19,75 faiz təşkil edib. Martın 1-də bu göstərici 19,67 faiz, 2010-cu il aprelin 1-də isə 19,93 faiz təşkil edib. SDV-də fərdi müştərilərin bank kreditləşməsi üzrə orta dərəcə 23,42 faiz olub. Martın 1-də bu göstərici 23,8 faiz, 2010-cu il aprelin 1-də isə 22,09 faiz təşkil edib.
