Azərbaycan, Bakı, 7 noyabr /Trend, müxbir A.Axundov/
Azərbaycan-Rusiya sərhədində gərginlik artıq aradan qaldırılıb. Trend-in məlumatına görə, bu barədə cümə axşamı jurnalistlərə Azərbaycan Dövlət Gömrük Komitəsinin (DGK) sədri Aydın Əliyev deyib.
A.Əliyev bildirib ki, Rusiyadan vətəndaşların özlərinin gəlişi ilə bağlı problem yoxdur. Yüklərə gəldikdə, artıq sərhəddə gərginlik aradan qaldırılıb, növbələr yoxdur.
Onun sözlərinə görə, bu məqsədlə iki ölkənin gömrük orqanlarının rəhbərləri sərhəddə görüşlər keçiriblər və mövcud problemləri müzakirə ediblər.