...

"Bank of Baku" şirkətləri ilk əngəlsiz karyera sərgisinə dəvət edir

Biznes və iqtisadiyyat xəbərləri Materials 23 Noyabr 2015 15:28 (UTC +04:00)
Korporativ Sosial Məsuliyyət proqramı çərçivəsində icra etdiyi “Fiziki Məhdudiyyətlərə Meydan Oxuyaq” layihəsinin davamı olaraq "Bank of Baku" ölkənin İLK Əngəlsiz Karyera Sərgisini təşkil etməyi planlaşdırır.
"Bank of Baku" şirkətləri ilk əngəlsiz karyera sərgisinə dəvət edir

Bakı. Trend:

Korporativ Sosial Məsuliyyət proqramı çərçivəsində icra etdiyi "Fiziki Məhdudiyyətlərə Meydan Oxuyaq" layihəsinin davamı olaraq "Bank of Baku" ölkənin İLK Əngəlsiz Karyera Sərgisini təşkil etməyi planlaşdırır.

Bankdan Trend-ə verilən məlumata görə, "Fiziki Məhdudiyyət Uğurlu Karyeraya Əngəl Deyil" şüarı altında keçirələcək karyera sərgisi "Bank of Baku"nun son bir ay ərzində icra etdiyi Fiziki Məhdudiyyətlərə Meydan Oxuyaq layihəsinin 40 nəfərə yaxın iştirakçısı üçün nəzərdə tutulub.

Sərgi 30 noyabr 2015-ci il tarixində, saat 11:00-da "Hilton Baku" otelində layihənin rəsmi bağlanış mərasiminin yekunu olaraq keçiriləcək.

"Bank of Baku" komandalarını fiziki məhdudiyyəti olmasına baxmayaraq peşəkar kadrlarla genişləndirmək istəyən şirkətləri sərgidə iştirak etməyə dəvət edir.

Öz şirkətini Azərbaycanın İLK Əngəlsiz Karyera Sərgisində təmsil etmək istəyən yerli və beynəlxalq təşkilatlar ksm@bankofbaku ünvanına şirkətin adını, kontakt şəxs və əlaqə vasitələrinə dair məlumatı göndərməklə qeydiyyatdan keçə bilərlər.

Qeydiyyat üçün son tarix 27 noyabr 2015.

Sərgi haqqında və iştirakla bağlı daha ətraflı məlumatı (+994 12) 447 00 55 (dax. 837 və ya 840) nömrəsinə zəng etməklə əldə edə bilərsiniz.

İlk Əngəlsiz karyera sərgisinin əsas tərəfdaşları insan resurslarının idarəedilməsi şirkəti olan "Fireworks HRM" və "Hilton Baku" otelidir.

Məqalədə:
Xəbər lenti

Xəbər lenti