Bakı. Ənvər Məmmədov – Trend:
Bu gün Bakı Fond Birjasında (BFB) Maliyyə Nazirliyinin 364 gün tədavül müddətli, 10 milyon manat həcmində qısamüddətli dövlət istiqrazlarının yerləşdirilməsi üzrə hərrac keçirilib. Trend-in BFB-yə istinadən verdiyi məlumata görə, hərrac zamanı 5 investor tərəfindən 10 sifariş təqdim olunub.
Sifarişlərin nominal üzrə ümumi məbləği 16 123,2 min manat təşkil edib. Sifarişlər 82.1285 manat (21.8803%) və 91.3500 manat (9.5212%) qiymət intervalında təqdim edilib. Hərracın yekunları üzrə bağlanılmış əqdlərin kəsmə qiyməti 91.3500 manat(9.5212%) orta ölçülmüş qiyməti 91.3500 manat (9.5212%) təşkil edib.
Bağlanılmış əqdlər üzrə hesablaşmalar 24.08.2016 (t+1) tarixində həyata keçiriləcək. İstiqrazların nominal qiymət üzrə reallaşdırılmış həcmi 5 473 400 manat təşkil edib. İstiqrazların ödəmə tarixi 22.08.2017-ci ildir. İstiqrazların tədavül müddəti – 364 gündür.
Bundan başqa, həmin tarixdə BFB-də Maliyyə Nazirliyinin 182 gün tədavül müddətli, 10 milyon manat həcmində qısamüddətli dövlət istiqrazlarının yerləşdirilməsi üzrə hərrac keçirilib. Hərrac zamanı 6 investor tərəfindən 12 sifariş təqdim olunub. Sifarişlərin nominal üzrə ümumi məbləği 14 005,700.00 manat təşkil edib.
Sifarişlər 91.6180 manat (18.4998%) və 96.1943 manat (7.9999%) qiymət intervalında təqdim edilib. Hərracın yekunları üzrə bağlanılmış əqdlərin kəsmə qiyməti 94.8400 manat (11.0017%) orta ölçülmüş qiyməti 95.6251 manat (9.2512 %) təşkil edib.
Bağlanılmış əqdlər üzrə hesablaşmalar 24.08.2016 (t+1) tarixində həyata keçiriləcək. İstiqrazların nominal qiymət üzrə reallaşdırılmış həcmi 7 320 200 manat təşkil edilib. İstiqrazların ödəmə tarixi 21.02.2017-ci ildir. İstiqrazların tədavül müddəti – 182 gündür.