...

Dünya Bankı Azərbaycanda mühasibat uçotu sistemində islahatlar aparmağa başlayıb

Biznes və iqtisadiyyat xəbərləri Materials 10 İyun 2006 14:56 (UTC +04:00)

Azərbaycanda mühasibat uçotu və audit sistemində islahatlar layihəsinin hazırlanması üçün layihənin rəhbəri Rancan Qanqulinin başçılı ilə Dünya Bankının missiyası Bakıda səfərdədir. Bu barədə Trend ə DB-nin Bakı nümayəndəliyindən xəbər verilib. Bu sahənin təkmilləşdirilməsi üçün ayrılan kreditin təsdiqlənməsi 2007-ci maliyyə ilində gözlənilir.

Bu layihənin hazırlanması üçün Beynəlxalq Yenidənqurma və İnkişaf Bankı (BYİB) $340 min həcmində qrant ayırıb. Layihədə "Mühasibat uçotu haqqında" yeni qanun layihəsi çərçivəsində islahatların gerçəkləşdirilməsi üçün institusional potensialın yaradılması nəzərdə tutulub. Bundan əlavə, treninqlər, praktiki məşğələlər və istifadəçilərin məlumatlandırılması üzrə kampaniyaların keçirilməsi, bu sahənin təkmilləşdirilməsi istiqamətində strategiya və planın hazırlanması, eləcə də standartların müəyyənləşdirilməsi də planlaşdırılır.

Layihənin ikinci vəzifəsi mühasibat uçotu üzrə qanunverici mexanizmlərin icmalı və təhlilidir. Bu, xüsusilə də, "Mühasibat Uçotu haqqında" Qanun və Məcəlləyə aiddir.

Layihə Auditor Palatasının peşəkar tənzimləyici orqana çevrilməsi üçün onun potensialının gücləndirilməsini nəzərdə tutur.

DB-nin ayırmağı planlaşdırdığı kreditin ilkin həcmi $10-15 mln. təşkil edir ki, bu da bankın Azərbaycanla yeni tərəfdaşlıq strategiyasına daxil edilib.

"Mühasibat Uçotu haqqında" yeni qanuna əsasən, 2007-ci ilin sonuna qədər kommersiya təşkilatlarında milli mühasibat uçotu standartlarının tətbiqi başa çatmalıdır. Büdcə və qeyri-hökumət təşkilatları bu prosesi 2008-ci ilin sonuna qədər qurtarmalıdır.

Krediti Maliyyə Nazirliyi alacaq, çünki proqramın gerçəkləşdirilməsi zamanı onun vəzifəsinə mühasibət uçotunun yeni standartlar əsasında avtomatlaşdırılması məqsədilə proqram təminatını hazırlamaq da daxildir.

Xəbər lenti

Xəbər lenti