Azərbaycan, Bakı, 20 oktyabr / Trend /
Azərbaycanda əvvəlcədən ödəniş etmək üçün smart-kart sistemində işləyən 160 min sayğac quraşdırılıb. Bu barədə çərşənbə axşamı "Azərenerji" ASC-nin rəhbəri Etibar Pirverdiyev məlumat verib.
Pirverdiyev deyib ki, Gəncə və Şirvan şəhərləri artıq yeni sayğaclarla təmin olunublar. Hazırda Gəncədə istifadə olunan enerji haqqı 100 faiz yığılır. Azərbaycan rayonlarında daha 50 min sayğacın quraşdırılması qərara alınıb. Belə smart-sayğacların Sumqayıtda da quraşdırılması planlaşdırılır.
Doqquz ay ərzində Azərbaycan rayonlarında istifadə olunmuş enerjiyə görə ödəniş 90 faiz təşkil edib.
Pirverdiyev deyib ki, smart-sayğacların tətbiqi ilə əlaqədar istifadə olunmuş elektrik enerjisinə görə ödənişlərdə müsbət dəyişikliklər var.
