Azərbaycan, Bakı, 1 dekabr /Trend, müxbir E.İsmayılov/
ARDNŞ-nin Türkiyədəki yeni neft emalı zavodunun tikintisi gələn ilin ortalarında başlaya bilər. Bu barədə çərşənbə günü ARDNŞ-dəki mənbə deyib.
"Hazırda bu layihə çərçivəsində mühəndis işləri aparılır", - mənbə bildirib.
Onun sözlərinə görə, gələn ilin əvvəlində lazımi sənədləşmənin hazırlanması üzrə işlər başa çatacaq və artıq 2011-ci ilin ortalarına tikinti işləri başlaya bilər.
Bundan əvvəl ARDNŞ-nin yüksək vəzifəli nümayəndəsinin dediyi kimi, gələn ilin yazında yeni neft emalı zavodunun təməlqoyma mərasimi keçiriləcək. Zavodun ümumi istiqaməti, eləcə də 10 milyonluq ümumi gücü də müəyyənləşib. Plana əsasən, tikinti işlərinin 2014-cü ilədək başa çatdırılması planlaşdırılır.
Yeni NEZ ARDNŞ-nin iştirak payına malik olduğu Türkiyənin "Petkim" neft-kimya kompleksinin tələbatlarını ödəmək üçün tikilir. Zavodun tikintisinə 3,5 - 5 milyard dollar məbləğində investisiyanın yatırılması nəzərdə tutulur.
2008-ci ildə "SOCAR/Turcas Petrol/Injaz Projects" şirkətlər alyansı Türkiyənin "Petkim" neft-kimya holdinqində 51 faizlik səhm paketinin alınması üçün elan edilən tenderin qalibi olub. Buna görə alyansa 2,04 milyard dollar təklif edilib. Hazırda Türkiyə zəruri kimya məhsullarının 70-75 faizini idxal edir. "SOCAR/Turcas/Injaz"ın "Petkim"in inkişafına yatıracağı sərmayələr məhsul idxalını 30 faizədək azaltmağa imkan verəcək.
