...

BP Xəzərdəki qiymətləndirmə quyusunda problemləri aradan qaldırır

Energetika Materials 17 Oktyabr 2011 12:22

Trend-i buradan izləyin

Azərbaycan, Bakı, 17 oktyabr /Trend, müxbir E.İsmayılov/

Xəzərin Azərbaycan sektorundakı "Şahdəniz" qaz-kondensat yatağının işlənməsinin texniki operatoru olan BP şirkəti yaranmış fəsadların aradan qaldırılmasından sonra SDX-07a qiymətləndirmə quyusunda qazmanı bərpa edib. Bu barədə bazar ertəsi Trend-ə neft-qaz bazarındakı mənbə bildirib.

"Problem quyuda məhlulun hopdurulması ilə bağlı olub", - mənbə qeyd edib.

Onun sözlərinə görə, hazırda quyuda vəziyyət normaldır və hazırda yaranmış problemin aradan qaldırılması üzrə işlər aparılır.

"Bu məsələ həll olunduqdan sonra qazma bərpa olunacaq", - mənbə qeyd edib.

O bildirib ki, hazırda quyunun dərinliyi 4700 metr təşkil edir.

Bu quyuda qazma işlərinin aparılmasına "İstiqlal" qazma qurğusu cəlb edilib. Qazma başa çatdıqdan sonra quyunun dərinliyi 6300-6400 metr təşkil etməlidir.

Bundan əvvəl BP şirkətinin ilin birinci yarısının yekunları üzrə hesabatında deyildiyi kimi, bu quyunun qazılmasının 2012-ci ilin birinci rübündə başa çatdırılması planlaşdırılıb.

Yataqdan əlavə 16 milyard kubmetr qaz çıxarmaq üçün "Şahdəniz-2" çərçivəsində 30 sualtı quyu qazılacaq və 2 dəniz platforması quraşdırılacaq.

İşlənmənin birinci mərhələsi çərçivəsində yataqda ən yüksək hasilat 8,6-9 milyard kubmetr səviyyəsində proqnozlaşdırılır.

Proqnozlara əsasən, yatağın işlənməsinin ikinci mərhələsi çərçivəsində qaz hasilatının həcmini ildə 25 milyard kubmetrə çatdırmaq mümkün olacaq.

"Şah Dəniz" yatağının ehtiyatları 1,2 trilyon kubmetr qaz həcmində qiymətləndirilir.

"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: BP (operator) - 25,5%, Statoil - 25,5%, NICO - 10%, Total - 10%, LukAgip - 10%, TPAO - 9%, ARDNŞ - 10%.

Xəbər lenti

Xəbər lenti