Azərbaycan, Bakı, 17 sentyabr /Trend, müxbir E.Əliyev/
Azərbaycan Respublikası Dövlət Neft Fondunun (ARDNF) aktivləri 2003-2013-cü illərdə 42,5 dəfə artıb. Bu barədə çərşənbə axşamı Trend-ə Fonddan bildiriblər.
Belə ki, hazırda ARDNF-nin aktivlərinin həcmi 34,68 milyard dollar təşkil edir. Müqayisə üçün, 2003-cü ildə Fondun aktivləri 0,82 milyard dollar təşkil edib.
Ən yüksək artım 2008-ci ildə qeydə alınıb. Belə ki, ARDNF-nin aktivləri 4,53 dəfə artaraq ( və ya 8,74 milyard dollar) 2008-ci ilin sonuna 11,22 milyard dollar təşkil edib. Müqayisə üçün, 2007-ci ilin sonuna Fondun aktivləri 2,48 milyard dollara bərabər olub.