Azərbaycan hökuməti Avropa İnkişaf və Yenidənqurma Bankı (AYİB) ilə respublikada ən iri elektrik stansiyası olan və ölkədə istifadə olunan elektrik enerjisinin yarısını istehsal edən Mingəçevirdəki Azərbaycan Su Elektrik Stansiyasının (SES) Azərenerji Səhmdar Cəmiyyəti (SC) tərəfindən həyata keçiriləcək bərpası variantlarının seçimi məsələsi üzrə danışıqlar aparır. Bu barədə "Tpend"ə PA Consulting Group-un layihə işçi qrupunun başçısı Maknill Uotkins (McNeill Watkins) məlumat verib.
Onun sözlərinə görə, PA Consulting Group banka layihənin texniki iqtisadi əsaslarını, texniki speüifikasiyasını, həmçinin tender sənədlərinin işçi variantını təqdim edib. "Kreditin həcmi seçiləcək bərpa variantından asılı olacaq. Bərpa işlərinni dəyəri 100 milyon, hətta 180 milyon dollar təşkil edə bilər. Düşünürəm ki, AYİB Azərbaycanı SES-in yenidən qurulması layihəsinə 150 milyon dollar kredit ayırmağı təklif edəcək. Hesab edirəm ki, variantın seçilməsindən sonra bank krediti qısa müddətə ayıracaq ", - deyə M.Uotkins qeyd edib.
