Azərbaycanın Standartlaşdırma, Patent və Metrologiya üzrə Dövlət Agentliyi yanacaq doldurma stansiyalarında monitorinqlərin keçirilməsini davam etdirir. Trend in agentliyin direktoru Ramiz Həsənova istinadən xəbər verdiyi kimi, monitorinq zamanı aşkar olunmuş problemlər aradan qaldırılıb.
"Əməkdaşlarımız hər üç aydan bir monitorinqlər keçirəcək. Çünki elə avadanlıqlar var ki, onlar artıq köhnəlib və yeniləri ilə əvəz olunmalıdır", - deyə R.Həsənov qeyd edib.
Ölkənin yanacaq doldurma stansiyalarında avtomobil benzini, dizel yanacağı və maye qaz satılır.
