Azərbaycan, Bakı, 1 iyul /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyi "Elektron hökumət"in qurulması Dövlət Proqramı çərçivəsində dövlət orqanlarında qarşılıqlı əlaqənin təmin olunması üzrə işləri başa çatdırır. Trend-in məlumatına görə, bu barədə cümə günü rabitə və informasiya texnologiyaları nazirini müavini Elmir Vəlizadə bildirib.
Onun sözlərinə görə, bu gün Azərbaycanda 50 məlumat reyestri fəaliyyət göstərir ki, onların əksəriyyəti elektron formadadır. Bu, qarşılıqlı əlaqə prosesini əhəmiyyətli dərəcədə sürətləndirir.
Vəlizadənni sözlərinə görə, vacib aspekt elektron-rəqəmli imzaların verilməsi üzrə sertifikatlaşdırılmış mərkəzin olmasıdır ki, o da yaxın zamanlarda istismara veriləcək.
ERİ almaq üçün müraciət edən dövlət idarələri arasında İqtisadi İnkişaf Nazirliyi də var. EİM nazirliyin elektron idarəetmə sistemində fəaliyyət göstərəcək.
Vahid "Elektron hökumət" portalının yaradılması da az əhəmiyyətli məsələ deyil. Onunla bağlı iş son mərhələdədir. Vəlizadə bildirib ki, bunun mövcudluğu vətəndaşların dövlət idarələri ilə qarşılıqlı fəaliyyətini əhəmiyyətli dərəcədə sadələşdirəcək.