Azərbaycan, Bakı, 4 dekabr /Trend, müxbir H.Vəliyev/
"Ariane 5 ECA" raketdaşıyıcısı Azərbaycanın "Azərspace" peyki ilə yanaşı, daha bir peyki də orbitə çıxaracaq. Bu barədə Trend-ə layihəyə yaxın mənbə məlumat verib.
"Ariane 5 ECA"nın əsas üstünlüyü onun 10 ton çəkiyə malik faydalı yükü orbitə çatdırmaq bacarığıdır. Başqa raketdaşıyıcılardan fərqli olaraq, "Ariane 5 ECA" orbitə eyni vaxtda iki peyk çatdıra bilir.
Hansı ölkənin peykinin "Azərspace" ilə birlikdə orbitə çıxarılacağına dair informasiya raketdaşıyıcının startına qədər elan ediləcək.
"Arianspace" ilə Azərbaycan tərəfi arasında imzalanmış müqavilədə qeyd olunur ki, starta qədər bir il yarım ərzində istehsalçı Azərbaycan tərəfinə "Arianspace"in göyərtəsində Azərbaycanın "Azərspace" peyki ilə yanaşı, hansı ölkənin peykinin olacağı barədə məlumat verilməlidir.
