Azərbaycan, Bakı, 10 yanvar /Trend, müxbir A.Axundov/
Azərbaycanın dövlət lizinq şirkəti "Aqrolizinq" ASC texnoloji avadanlıqların satın alması üzrə tender elan edib. Trend-in məlumatına görə, bu barədə Tender komissiyasının cümə axşamı rəsmi mətbuatda dərc etdiyi məlumatda deyilir.
Tender üç lot üzrə aparılır. Lotlar yem istehsalı, ət kəsimi sexi və meyvələrin saxlanması üçün avadanlıqların alınmasını nəzərdə tutur.
Tenderdə birinci lot üzrə iştirakın dəyəri 200 manat, ikinci lot üzrə 200 manat, üçüncü lot üzrə isə 100 manatdır.
Tender təklifləri fevralın 22-də saat 17:00-dək təqdim edilməlidir. Zərflər 25 fevral saat 15:00-də açılacaq.
Maraqlananlar əlaqələndirici şəxs Kamal İsmayılovla əlaqə saxlaya bilərlər.
Tel./ Faks: 425-38-89;
E-mail: [email protected]
Ünvan: Bakı, Bakıxanov qəsəbəsi, Bünyadov küçəsi, 12.
