Azərbaycan, Bakı, 13 avqust /Trend, müxbir E. Əliyev/
Azərbaycan Mərkəzi Bankı (AMB) bir il ərzində bankın balasında olan əsas vəsaitlərin, nağd pulun və nəqliyyat vasitələrinin (CASCO) sığortasından ibarət olan birləşdirilmiş sığorta paketi üzrə açıq tender élan edir. Trend-in məlumatına görə, bu barədə Tender Kommisiyasının "Xalq Qəzeti"ində yerləşdirdiyi elanda bildirilir.
Tenderdə iştirak haqqı 200 manat təşkil edir.
Tender təklifləri (tender təklifi 8 noyabr 2013-cü il tarixinədək qüvvədə olmalıdır), o cümlədən tender təklifinin qiymətinin bir faiz məbləğində bank təminatı (tenderin əsas şərtlər toplusuna əlavə edilən formada və 23 dekabr 2013-cü il tarixədək qüvvədə olmalıdır) 13 sentyabr 2013-cü il saat 18:00-dək AMB-nin inzibati binasında qəbul edilir.
Tender təklifləri 24 sentyabr 2013-cü il saat 15:00-da AMB-nin inzibati binasında açılacaq.
Tenderin qalibi xidmətin göstərilməsinə 1 noyabr 2013-cü il tarixində başlamalıdır. CASCO sığortası üzrə xidmətin göstərilməsinə 24 yanvar 2014-cü ildən başlanılmalıdır.
Tenderlə bağlı əlavə məlumat əldə etmək üçün aşağıdakı ünvana müraciət etmək olar:
Ünvan: Bakı şəhəri, Rəşid Behbudov 32
Əlaqələndirici şəxs: Ceyhun Səməndov
Tel.: 493 1122 (599)
Əlaqələndirici şəxs: Elvin Şirdanov
Tel.: 493 1122 (428)
