Bakı. Trend:
Uelsin cənubundakı Suonsi şəhərində yerləşən Morriston xəstəxanası elektrik enerjisini tam şəkildə günəş enerjisindən alan ilk xəstəxana olub.
Trend-in məlumatına görə, bu barədə bu gün Uelsin Səhiyyə Xidməti bildirib.
Qeyd olunub ki, xəstəxananın elektrik enerjisi tələbatı günəş batareyaları vasitəsilə təmin olunacaq.
Hesablamalara əsasən, bu hər il 1 milyon funt sterlinqə yaxın vəsaitə qənaət etməyə imkan verəcək.