Bakı. Trend:
Türkiyənin İstanbul şəhərində yanacaq daşıyan maşının partlaması nəticəsində bir nəfər ölüb, üç nəfər yaralanıb.
Trend türk KİV-lərinə istinadən xəbər verir ki, hadisə şəhərin Asiya tərəfindəki Ataşehir səmtində baş verib.
Məlumata görə, yanacaq daşıyan maşın qaynaq işləri zamanı partlayıb və daha sonra yanğın başlayıb.
Göztepe Təhsil və Araşdırma Xəstəxanasına aparılan yaralılardan birinin vəziyyəti ağırdır. Partlayışın dəqiq səbəbləri araşdırılır.