Bakı. Trend:
ABŞ-nin yeni seçilmiş prezidenti Donald Tramp şənbə günü ilk administrasiyası dövründə Pentaqonda işləmiş Keş Pateli Federal Təhqiqatlar Bürosuna (FTB) rəhbərlik vəzifəsinə namizədliyini irəli sürüb.
Trend-in məlumatına görə, bu barədə D.Tramp "Truth Social" sosial şəbəkəsində yazıb.
"Keş Patelin FTB-nin növbəti direktoru olacağını elan etməkdən qürur duyuram. Keş əla hüquqşünas, müstəntiq və xidməti boyu korrupsiyaya qarşı mübarizə aparan, ədaləti və Amerika xalqını müdafiə edən “Birinci növbədə Amerika” ideyasının müdafiəçisidir", - deyə o bildirib.
Seçilmiş prezident bildirib ki, K.Patel Rusiyanın 2016-cı il prezident seçkilərinə iddia edilən müdaxiləsini ifşa etməkdə “kritik rol oynayıb”.