Bakı. Trend:
Çin və Rusiya, mühüm qlobal güclər olaraq, daha ədalətli qlobal idarəetmə sistemi qurmalıdırlar.
Trend-in məlumatına görə, bu barədə Çin sədri Si Cinpin Rusiya prezidenti Vladimir Putinlə danışıqlar zamanı deyib.
"Hazırda xaoslu beynəlxalq vəziyyət şəraitində birtərəflilik və hegemonluq artmaqdadır, lakin sülh, inkişaf və əməkdaşlıq arzusu xalqların arzusu və dövrün ruhu olaraq qalır. BMT Təhlükəsizlik Şurasının daimi üzvləri və böyük dünya gücləri olaraq, Çin və Rusiya uzunmüddətli maraqlarını nəzərə alaraq, daha yüksək keyfiyyətli hərtərəfli strateji koordinasiyanı təşviq etməklə milli dirçəlişə nail olmalı və daha ədalətli və ağlabatan qlobal idarəetmə sistemi qurmalıdırlar", - deyə o bildirib.
