Azərbaycan, Bakı, 14 sentyabr /Trend Life, müxbir V.İmanov/
Oktyabrın 23-də Bakıda Heydər Əliyev Sarayında Şən və Hazırcavablar Klubu (KVN) komandalarının iştirakı ilə "Azərbaycan Prezidenti kuboku" beynəlxalq turniri keçiriləcək. Bu barədə "Trend Life" KVN Beynəlxalq Birliyinin rəsmi saytı www.amik.ru-ya istinadən bildirib.
Görüşün aparıcısı "AMİK" Televiziya Yaradıcılıq Birliyinin və "KVN" Beynəlxalq Birliyinin prezidenti Aleksandr Vasilyeviç Maslyakov olacaq.
Turnirdə bu komandalar iştirak edəcək: "Rəislər", (İrkutsk), "Dnepr" (Dnepropetrovsk vilayətinin yığması), "Parapaparam" (MDBƏİ, Москва), Bakı Yığması (Azərbaycan), KVN üzrə Kamızyak diyarının yığması (Həştərxan) və Triod və Diod (Smolensk).
Turnir saat 19:00-da başlayacaq. Ətraflı məlumat və biletlərin sifarişi üçün: +994552994554, www.kvn.az