Azərbaycan, Bakı, 13 iyul /Trend /
Yevlax rayonu, Gülöyşə kəndində 1970-ci il təvəllüdlü Səbiyev Çingiz Həmid oğluna məxsus "VAZ" markalı minik avtomobili digər vətəndaşa məxsus "Mercedes" markalı minik avtomobili ilə toquşması nəticəsində yol qəza hadisəsi baş verib.
FHN-dən Trend-ə verilən məlumata görə, nəticədə, "VAZ" markalı avtomobilin sürücüsü Ç.H.Səbiyev ağır bədən xəsarətləri ilə hadisə yerində vəfat etmişdir.
Cəsəd yanğınsöndürən-xilasedicilər tərəfindən müxtəlif kəsici alətlərdən istifadə olunmaqla çıxarılaraq aidiyyatı üzrə təhvil verilmişdir.
"Mercedes" markalı avtomobilin sürücüsü və avtomobildə olan 1 nəfər sərnişin yanğınsöndürən-xilasedicilər çatana kimi əhali tərəfindən çıxarılaraq Təcili Tibbi Yardım xidmətinə təhvil verilmişdir. Hadisə ilə əlaqədar müvafiq qurumlar tərəfindən təhqiqat aparılır.