Azərbaycan, Bakı, 4 fevral /Trend, müxbir İlkin İzzət/
Gömrükçülər İrandan gələn Azərbaycan vətəndaşının daxili orqanında 110 qrama yaxın heroin aşkar ediblər.
Dövlət Gömrük Komitəsindən (DGK) Trend-ə verilən məlumata görə, Astara Gömrük İdarəsinin sərnişin şöbəsində İran İslam Respublikasından Azərbaycan Respublikasına piyada gələn Azərbaycan vətəndaşı Nurəddin Əsədovun üzərində şəxsi yoxlama aparılıb.
Yoxlama zamanı onun daxili orqanından (düz bağırsağından) 2 (iki) ədəd bükümdə, ümumi xalis çəkisi 109,642 qram olan narkotik vasitə - heroin aşkar olunub.
Faktla bağlı cinayət işi başlanıb, araşdırma aparılır.