Rusiyada helikopter qəzaya uğrayıb, ölən və itkin düşən var
Bakı. Trend:
Rusiyanın Arxangelsk bölgəsində "Robinson" helikopterinin qəzaya uğraması nəticəsində bir nəfər ölüb, ikisi yaralanıb, biri itkin düşüb.
Trend-in TASS-a istinadən verdiyi məlumata görə, bu barədə federasiyanın Fövqəladə hallar nazirliyi xəbər yayıb.
Bildirilir ki, helikopter Ağ dənizə düşüb. Qəza barədə qurumun "112" növbətçi xidmətinə hadisəni görən balıqçılar məlumat verib.
FHN-in açıqlamasında deyilir" "Təəssüf ki, bir nəfər ölüb, iki nəfər sağdır, lakin vəziyyətləri ağırdır. Daha bir nəfərin taleyi naməlum olaraq qalır".
