Azərbaycan, Bakı, 13 may / Trend , müxbir E.Hüseynli/ Ermənistan Silahlı Qüvvələrinin bölmələri mayın 12-də saat 14.10-dan mayın 13-ü saat 00.00-dək fasilələrlə Ermənistan Respublikası Noyemberyan rayonu Voskevan və Voskepar, Berd rayonu Çinari kəndləri sahəsindəki mövqelərdən Azərbaycan Silahlı Qüvvələrinin Tovuz rayonunun Koxa Nəbi və Qazax rayonunun Quşçu Ayrım kəndləri sahəsində yerləşən mövqelərini, saat 22.20-dən mayın 13-ü saat 03.00-dək ara-sıra Xocavənd rayonunun Kuropatkino kəndi yaxınlığında yerləşən mövqelərdən, mayın 13-də saat 01.55-dən 02.10-dək Tərtər rayonunun Çiləbürt kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar. Bu barədə Azərbaycan Respublikasının Müdafiə Nazirliyinin mətbuat xidmətindən məlumat verilib.
Bütün hallarda cavab atəşilə düşmən susdurulub.
İtki yoxdur.