ABŞ, Vaşinqton, 28 oktyabr / Trend , müxbir N.Boqdanova/
Sanksiyanın qəbul ediməsi İran tərəfindən nüvə təhlükəsi ilə mübarizəyə istiqamətlənmiş ABŞ strategiyasının bir hissəsi olmalıdır. ABŞ konqresmeni Mark Kirk belə hesab edir.
"Sanksiyanın tətbiqi Birləşmiş Ştatların İranın nüvə proqramı ilə mübarizə üzrə hərtərəfli strategiyasına daxil olmalıdır", - İran üzrə iki partiyalı işçi qrupunun həmsədri və İllinoys ştatının nümayəndəsi Kirk Trend -a verdiyi müsahibədə deyib.
ABŞ Senatının bank komitəsi cümə axşamı İrana qarşı sanksiyanın ağırlaşdırılması ilə bağlı qanun layihəsini səsə qoyacaq. Sanksiya İrana neft məhsulları tədarük edən ölkərə, həmçinin burada neft və qaz kəmərləri inşa edən və İran neftinin nəqli üçün tankerlər təqdim edən şirkətlərə də toxunacaq.
Qanun layihəsinə müvafiq olaraq, ABŞ hökuməti İranın enerji sektorunda fəal iştirak edən xarici şirkətlərdən mal alınmasına qadağa qoyacaq.
Kirk məlumat verib ki, amerikalı qanunvericilər Ağ Evə sanksiya ilə əlaqədar ciddi dəyişikliklər təmin edib. Bu dəyişikliklər əsasən İranda yanacaq idxalına yönəlib.
Onun sözlərinə görə, sanksiya İrana təsir edə bilər, çünki ölkə benzinə olan daxili tələbatını ödəyə bilmir. Buna baxmayaraq, ölkə təbii qaz ehtiyatlarına görə dünyada ikinci yeri tutur və xam neftin əsas ixracatçılarındandır.
"Bir sıra beynəlxalq şirkətlər rejimin enerji sektoruna milyardlarla dollar qoymaqla, İranın nüvə ambisiyasına maddi yardım göstərməyə davam edirlər", - konqresmen deyib.
Bu yaxınlarda Kirk də daxil olmaqla, 50 amerikalı qanunverici Obamanı İranın enerji sektoruna 20 mliyon dollar investisiya qoyan xarici şirkətlərə qarşı da ABŞ qanunvericiliyinə uyğun olaraq sanksiya tətbiq etməyə çağırıblar.
Yeni qanun layihəsi bütün Amerika üzrə yerli rəhbər və dövlət başçılarına İranla əməkdaşlıqdan imtina etmək üçün xəbərdarlıq olmalıdır", - Kirk deyib.
Onun sözlərinə görə, Obama Administrasiyası xarici şirkətlərə ABŞ-ın qanunlarını kobud şəkildə pozmağa imkan verməyəcək.
İran Birləşmiş Ştatları və onun müttəfiqlərini "sonsuz danışıqlara" cəlb etməyə cəhd göstərir. Bununla yanaşı, qeyri-qanuni olaraq uranı zənginləşdirməyə davam edir. Buna görə də Kirk hesab edir ki, Obama Administrasiyası üçün ABŞ qanunlarını təmin etməyin vaxtı çatıb. "Mövcud olan hüquqi sanksiyaların tətbiqi İranı ruhlandıra və diplomatiyanı korlaya bilər", - Kirk respublikaçı və demokratların mövqelərini təsdiq edərək deyib.
ABŞ və bir sıra Qərb ölkələri İranı sülh nüvə proqramı adı altında nüvə silahı hazırlamaqda təqsirləndirirlər. İranın nüvə proqramının dayandırılması və nüvə silahının qarşısının alınması üçün Qərb ölkələri İrana qarşı enerji sanksiyasının tətbiq olunması barədə qərarın qəbul edilə biləcəyini istisna etmirlər.
