Azərbaycan və Ukrayna prezidentləri arasında telefon söhbəti olub

Ukrayna prezidenti Viktor Yuşşenko fevralın 7-də Azərbaycan prezidenti İlham Əliyevə telefonla zəng edib. Trend in verdiyi xəbərə görə, bu barədə Azərbaycan prezidentinin mətbuat xidmətindən bildirilib.

Prezidentlərin söhbəti zamanı ikitərəfli münasibətlərin hazırki vəziyyəti və perspektivləri, iki ölkə arasında energetika sahəsində əməkdaşlıqla bağlı məsələlərə toxunulub.

Dövlət başçıları qeyd ediblər ki, yaxın vaxtlarda hökumətlərarası iqtisadi komissiyanın birgə iclası keçiriləcək və onun gedişində Azərbaycanla Ukrayna arasında iqtisadi əlaqələrin inkişafı məsələləri müzakirə olunacaq.

Söhbət zamanı qarşılıqlı maraq doğuran digər məsələlər də müzakirə edilib.